विराटनगर । अरनिको राजमार्गअन्तर्गत धुलिखेल–खावा सडक खण्डमा भइरहेको निर्माण तथा स्तरोन्नति कार्यलाई तीव्रता दिन टिपर संचालनमा रोक लगाइने भएको छ।
काभ्रेपलाञ्चोकका प्रमुख जिल्ला अधिकारी गोपाल कुमार अधिकारीको अध्यक्षतामा बसेको बैठकले निर्माण कार्यलाई यथाशीघ्र सम्पन्न गर्न आगामी असार १४ गतेदेखि २८ गतेसम्म सवारी आवागमनमा रोक लगाउने निर्णय गरेको हो ।
टिपरबाहेकका यात्रुवाहक तथा मालवाहक सवारीसाधनलाई भने साँझ ७ देखि बिहान ५ बजेसम्म मात्रै प्रवेशमा रोक लगाइनेछ।
टिपरहरूलाई वैकल्पिक मार्गतर्फ डाइभर्ट गर्न आवश्यक समन्वयका लागि जिल्ला प्रशासन कार्यालय काठमाडौं, भक्तपुर, दोलखा र सिन्धुपाल्चोकसँग सडक डिभिजन कार्यालयले समन्वय गर्ने निर्णय गरेको छ।
