विराटनगर । राष्ट्रिय स्वतन्त्र पार्टीको पहिलो महाधिवेशनको उद्घाटन सत्रमा शुभकामना दिन प्रमुख प्रतिपक्षी दल नेपाली कांग्रेसका सभापति गगन थापा चितवन जाने भएका छन् ।
आइतबार बिहान उपसभापति पुष्पा भुसाललाई पठाउने तय गरेर सभापति थापाले फेसबुकमा रास्वपालाई पहिलो महाधिवेशनको शुभकामना दिएका थिए ।
त्यसैगरी एमालेबाट केन्द्रीय सदस्य प्रदीप ज्ञवाली तथा नेकपाबाट नेता वर्षमान पुन शुभकामना दिन उद्घाटन सत्रमा सभागी हुँदैछन्।
राप्रपा अध्यक्ष राजेन्द्र लिङ्देन, जनमतका अध्यक्ष डा।सीके राउत र जसपा नेपालका अध्यक्ष उपेन्द्र यादव समेत महाधिवेशनमा सहभागी हुन चितवन जाने भएका छन्।
श्रम संस्कृति पार्टीबाट भने कोही पनि प्रतिनिधि सहभागी नहुने भएको सो पार्टीका नेताहरूले बताएका छन्।
रास्वपाको पहिलो महाधिवेशन आजबाट चितवनमा सुरु हुँदैछ ।
