विराटनगर । अख्तियार दुरुपयोग अनुसन्धान आयोगले पासपोर्ट छपाइ प्रकरणमा तत्कालीन परराष्ट्रमन्त्री आरजु राणा देउवालाई बयानका लागि बोलाएको छ ।
आयोगले मंगलबार बूढानीलकण्ठस्थित देउवा निवासमा बयानका लागि म्याद तामेलीको सूचना टाँसेको थियो ।
सूचना टाँसेको मितिले बाटोको म्यादबाहेक ३ दिनभित्र आयोगको टंगालस्थित कार्यालयमा बयान दिन उपस्थित हुन भनिएको छ ।
गत फागुनमा उपचारका लागि सिंगापुर गएका देउवा दम्पती हाल हङकङमा रहेको बताइएको छ ।
राहदानी छपाइ प्रकरणमा अख्तियारले हालै राहदानी विभागका महानिर्देश तीर्थराज अर्यालसहित केही कर्मचारीलाई पक्राउ गरिसकेको छ ।
