विराटनगर ।राष्ट्रिय प्रजातन्त्र पार्टीका पूर्वउपाध्यक्ष दिलविकास राजभण्डारीले पार्टीको केन्द्रीय कार्यालय रहेको आफ्नो घर खाली गर्न अध्यक्ष राजेन्द्र लिङ्देनलाई ३५ दिने अल्टिमेटम दिएका छन्।
लिङ्देनका नाममा खुलापत्र लेख्दै राजभण्डारीले उनीसँग उक्त भवनमा बसिरहने नैतिक आधार नरहेको दाबी गर्दै आफ्नो घर तत्काल खाली गर्न माग गरेका छन्।
शशीकला स्मृति भवनमा रहेको राप्रपाको केन्द्रीय कार्यालय राजभण्डारीको निजी निवास हो।
राजभण्डारीले हालै धवलशम्शेर राणासँगै राप्रपा परित्याग गरेका थिए।
पार्टी छोडेपछि उनले अध्यक्ष लिङ्देनमाथि विभिन्न गम्भीर आरोप लगाउँदै खुलापत्र सार्वजनिक गरेका हुन्।
