विराटनगर ।नेपाली कांग्रेसका पूर्वसभापति शेरबहादुर देउवा र उनकी पत्नी डा.आरजु राणा देउवाले सम्पत्तिसम्बन्धी अनुसन्धानमा राज्यका निकायहरूलाई पूर्ण सहयोग गर्ने प्रतिबद्धता जनाएका छन्।
उनीहरूले सम्पत्ति शुद्धीकरण अनुसन्धान विभाग र विशेष अदालतलाई संयुक्त रूपमा पत्र पठाउँदै आफूहरू हाल उपचारका सिलसिलामा विदेशमा रहेको र दुई महिनाभित्र नेपाल फर्किने जानकारी गराएका छन्।
पत्रमा देउवा दम्पतीले आफूहरूविरुद्ध राजनीतिक प्रतिशोधको वातावरण बनाउन खोजिएको संकेत गर्दै तत्काल पक्राउ पूर्जी जारी नगर्न आग्रह गरेका छन्।
उनीहरूले अनुसन्धानबाट भाग्ने वा असहयोग गर्ने कुनै मनसाय नरहेको स्पष्ट पारेका छन्।यसअघि विभागले उनीहरूविरुद्ध पक्राउ अनुमति लिएको भए पनि कानुनी प्रक्रियासम्बन्धी विवादका कारण अदालतबाट त्यसको कार्यान्वयनमा रोक लागेको थियो।
