विराटनगर । काठमाडौंको बूढानीलकण्ठ नगरपालिका–५ स्थित इस्कोनमा बालबालिकामाथि यौनजन्य तथा अन्य दुर्व्यवहार गरेको आरोपमा प्रहरीले एक जनालाई पक्राउ गरेको छ।
जिल्ला प्रहरी परिसर काठमाडौंका प्रवक्ता एसपी पवनकुमार भट्टराईका अनुसार बालबालिकासम्बन्धी कसुरमा अनुसन्धानका लागि सुरजकृष्ण श्रेष्ठलाई नियन्त्रणमा लिइएको हो।
उनले केही बालबालिकामाथि मानसिक तथा शारीरिक दुर्व्यवहार गरेको जाहेरीका आधारमा पक्राउ गरिएको उनले बताए ।
घटनाको गम्भीर विस्तृत छानबिन भइरहेको छ ।
