विराटनगर । राष्ट्रिय प्रजातन्त्र पार्टीकी सांसद् खुश्बु ओलीले संसदमा आफूलाई सामाजिक सञ्जालमार्फत ज्यान मार्ने र बलात्कारको धम्की आएको भन्दै सरकारको ध्यानाकर्षण गराएकी छन्।
बुधबार बसेको प्रतिनिधिसभाको बैठकमा विशेष समय लिएर उनले नेपाललाई सनातनी राज्य बनाउनुपर्ने अभिव्यक्तिपछि धम्की आएको उनको भनाइ छ।
आफूलाई आएको ज्यान मार्ने र बलात्कारको धम्कीबारे कुरा उठाएपछि गृहमन्त्री सुधन गुरुङले आवश्यक अनुसन्धान गरी दोषीमाथि कानुनी कारबाही गर्ने आश्वासन दिएका छन्।
उनले ओलीको सिटमै पुगेर कारबाही प्रक्रिया अघि बढाउने प्रतिबद्धता पनि जनाएका हुन्।
