विराटनगर। काठमाडौंको टोखा नगरपालिका–५ बसुन्धारास्थित सिद्धबाबा युनिफर्म इन्टरप्राइजेज गार्मेन्टमा आगलागी हुँदा करिब ८ करोड रुपैयाँ बराबरको क्षति भएको छ।
प्रहरीका अनुसार विद्युत सर्ट भएर बुधबार बिहान करिब ३ बजे आगलागी भएको हो। आगो नियन्त्रणमा लिन ११ वटा दमकल, पानी ट्यांकर, नेपाल प्रहरी, नेपाली सेना र सशस्त्र प्रहरी परिचालन गरिएको थियो।
करिब ११ बजेपछि आगो नियन्त्रणमा आएको जनाइएको छ।आगलागीबाट गार्मेन्ट पूर्ण रूपमा जलेर नष्ट भएको छ।
साथै नजिकै रहेका अन्नपूर्ण किराना स्टोर, प्रतिक्षा इलेक्ट्रोनिक्स, लुम्बिनी खाजाघर, क्यापिटल इन्टरनेशनल मेनवास तथा आसपासका दुई घरमा समेत क्षति पुगेको प्रहरीले जनाएको छ।
घटनाबारे थप विवरण संकलन भइरहेको प्रहरीले जनाएको छ।
