काठमाडौं । माडी गाउँपालिका–२ को व्याङखोलामा जिप दुर्घटना हुँदा तीन जनाको मृत्यु भएको छ।प्रहरीका अनुसार मृत्यु हुनेमध्ये दुई जना पुरुष र एक जना महिला रहेका छन्। मृतकहरूको पहिचान भने हालसम्म खुल्न सकेको छैन।
जस्तापाता र प्लास्टिकका पाइप बोकेको जिप व्याङखोलास्थित सडकबाट करिब ६ सय मिटर तल खसेर दुर्घटनाग्रस्त भएको बताइएको छ।घटनाको जानकारी प्राप्त भएपछि इलाका प्रहरी कार्यालय घर्तिगाउँबाट प्रहरी टोली घटनास्थलमा खटिएको छ।
प्रहरीले दुर्घटनाको कारण तथा मृतकहरूको पहिचानबारे थप अनुसन्धान गरिरहेको जनाएको छ।
