विराटनगर । न्यूयोर्क शहरका मेयर जोहरान ममदानीले इरानसँग चलिरहेको युद्धको विरोध गरेका छन्।
सामाजिक सञ्जाल एक्समा पोस्ट गर्दै उनले यो युद्ध अब समाप्त हुनुपर्ने बताएका हुन् । यस युद्धको सबैभन्दा ठूलो मूल्य आम नागरिकहरूले चुकाउनुपरेको उनले बताएका छन् ।
उनले भने,‘आजभन्दा तीन महिनाअघि एउटा युद्ध सुरु भएको थियो, जसको लागि कसैले भोट दिएको थिएन। तर यसको मूल्य ती मानिसहरूले चुकाए, जसको यसमा कुनै आवाज थिएन।’
उनले यो युद्धमा हजारौं नागरिकहरूको ज्यान गएको बताए । यसका साथै १३ अमेरिकी सैनिक पनि मारिएका उनले स्मरण गरे ।
मारिएका सैनिकहरू अब कहिल्यै आफ्नो परिवारसँग फर्कन नसक्ने भन्दै उनले दुस्ख व्यक्त गरे।
