विराटनगर । संविधान संशोधन बहसका लागि सरकारले बोलाएको बैठकमा जेनजी प्रतिनिधिहरू नजाने निर्णय गरेका छन् ।
संविधान संशोधनको विषयमा छलफलमा गर्न आज दिउँसो ३ बजेदेखि ५ बजेसम्म प्रधानमन्त्री कार्यालयको सगरमाथा हलमा बोलाएको बैठकमा जेनजी प्रतिनिधिहरू नजाने निर्णय गरेका हुन् ।
जेनजी अगुवा उपार्जुन चाम्लिङका अनुसार संविधान संशोधनको ड्राफ्ट बनाउन गठित कार्यदलले शुक्रबार सिंहदरबारमा छलफलका बोलाएको थियो ।संविधान संशोधन बहसपत्र तयार गर्ने कार्यदलले दुई वटा छुट्टाछुट्टै पत्रमार्फत २९ जना प्रतिनिधिलाई बोलाएको हो ।
स्पष्ट विषयवस्तु नखुलाइ कर्मकाण्डका लागि मात्रै बोलाइएको भन्दै बिहीबार रातिसम्मको छलफलले जेनजी अगुवाहरू सिंहदरबार नजाने निर्णय गरेका हुन् ।
सरकारले असिम शाहको नेतृत्वमा संविधान संसोधनका लागि ड्राफ्ट बनाउने कार्यदल गठन गरेको छ ।
