एमाले सांसद राजेन्द्रकुमार राईको माग– गाँजा खेतीलाई वैधानिकता दिइयोस्

एमाले सांसद राजेन्द्रकुमार राईको माग– गाँजा खेतीलाई वैधानिकता दिइयोस्

काठमाडौं– राजेन्द्रकुमार राई ले गाँजा खेतीलाई वैधानिकता दिन माग गरेका छन् । बिहीबार प्रतिनिधिसभा बैठकमा बोल्दै उनले आर्थिक समृद्धि र रोजगारी सिर्जनाका लागि नीतिगत रूपमा गाँजा खेती खुलाउनुपर्ने बताएका हुन् ।

‘यो देशको आर्थिक समृद्धि गर्ने, रोजगारी सिर्जना गर्ने हो भने नीतिगत रूपमा, वैधानिक रूपमा गाँजा खेती गर्नुपर्छ,’ सांसद राईले भने ।

उनले विगतमा नेपालमा गाँजा सेवनका लागि अमेरिकाबाट समेत मानिस आउने गरेको उल्लेख गर्दै २०३३ सालमा गाँजा खेती बन्द गरिएको बताए । अब पुनः यसलाई खुलाउन आवश्यक रहेको उनको भनाइ थियो ।

सांसद राईले गाँजाबाट औषधि, कपडा लगायत विभिन्न सामग्री उत्पादन गर्न सकिने पनि बताएका छन् ।