विराटनगर । त्रिभुवन विश्वविद्यालयको निमित्त उपकुलपतिको जिम्मेवारी इन्जिनियरिङ अध्ययन संस्थानका डीन प्राडा. सुशीलबहादुर बज्राचार्यलाई दिइएको छ ।
अध्यादेशमार्फत विश्वविद्यालयका पदाधिकारी पदमुक्त भएपछि प्रधानमन्त्री एवं कुलपतिले उनलाई जिम्मेवारी दिएका हुन् ।
यसअघि उपकुलपति प्राडा.दीपक अर्याल सहित शिक्षाध्यक्ष र रजिस्ट्रारले राजीनामा दिएका थिए । नयाँ उपकुलपति नियुक्तिका लागि सिफारिस समितिले आवेदन माग गरिसकेको छ ।
