विराटनगर । सरकारले तोकिएकोभन्दा बढी लगानी गर्ने लगानीकर्तालाई आगामी आर्थिक वर्षमा लगानी भिसा उपलब्ध गराउने व्यवस्था गर्ने भएको छ ।
सोमबार संघीय संसदको संयुक्त बैठकमा राष्ट्रपति रामचन्द्र पौडेलले आगामी आर्थिक वर्षको नीति तथा कार्यक्रममा सरकारले यस्तो व्यवस्था गरिने उल्लेख गरेका हुन् ।
नीति तथा कार्यक्रम वाचन गर्दै उनले भने,‘नेपाल सरकारले तोकेभन्दा माथिको लगानी गर्ने लगानीकर्तालाई नेपाल लगानी भिसा उपलब्ध गराइनेछ।’
