माध्यमिक शिक्षा परीक्षा (एसइई) दिएर बसेका देशभरका लाखौं विद्यार्थीलाई अनलाइन तथा मोबाइल माध्यमबाट सहजै रिजल्ट हेर्न सक्ने व्यवस्था मिलाइएको छ । राष्ट्रिय परीक्षा बोर्डले एसइई २०८२ को नियमित तथा ग्रेडवृद्धि परीक्षाको नतिजा विभिन्न सेवा प्रदायक संस्थामार्फत मोबाइल एसएमएस, आइभीआर सेवा र वेबसाइटबाट हेर्न सकिने व्यवस्था गरेको हो ।
नतिजा हेर्नका लागि नेपाल टेलिकमकाे १६००, जानकी टेक्नाेलाेजि प्रालि ३५००१ र एम्बिसन गुरु प्रालि ३१०६१ मा एसएमएस/यूएसएसडी तथा आइभीआर सेवा उपलब्ध गराइनेछ । साथै अन्य प्राविधिक साझेदारमार्फत विभिन्न वेबसाइट तथा मोबाइल एपमार्फत पनि नतिजा हेर्न सकिने व्यवस्था गरिएको छ । अबको केही दिनमै एसइईको नतिजा सार्वजनिक हुँदै छ ।
