A rescuer operates at a site where a building collapsed and three people were reported missing in Bogo City on October 1, 2025, after a powerful 6.9 magnitude earthquake jolted the central Philippines, killing dozens on the island of Cebu with fears the toll could rise. The death toll from a powerful earthquake in the central Philippines rose above 50 on October 1, with injured patients overwhelming hospitals on the island of Cebu. (Photo by TED ALJIBE / AFP) एजेन्सी । फिलिपिन्सको मध्य भागस्थित समर टापुमा सोमबार शक्तिशाली भूकम्प जाँदा स्थानीय बासिन्दामा त्रास फैलिएको छ।
अमेरिकी भूगर्भीय सर्वेक्षण (यूएसजीएस)का अनुसार दिउँसो गएको भूकम्पको तीव्रता ६.० म्याग्निच्युड मापन गरिएको छ। भूकम्पको केन्द्र समर प्रान्तअन्तर्गत पर्ने सान जुलियन नजिकै करिब ७३.३ किलोमिटर गहिराइमा रहेको जनाइएको छ।
गहिराइ बढी भएकाले ठूलो क्षति हुनबाट जोगिएको प्रारम्भिक अनुमान गरिएको छ। स्थानीय एक प्रहरी अधिकारीले भूकम्प “अचानक र निकै शक्तिशाली” महसुस भएको बताएका छन्। उनका अनुसार केही संरचनामा सामान्य क्षति पुगेको छ भने भवनभित्रका सामानहरू हल्लिएका छन्।
संभावित परकम्प (आफ्टरसक)को जोखिमका कारण स्थानीयवासी र सुरक्षाकर्मीहरू सतर्क अवस्थामा खुला स्थानमा बसेका छन्। हालसम्म मानवीय क्षति वा गम्भीर घाइतेको कुनै आधिकारिक विवरण प्राप्त भएको छैन।
फिलिपिन्स भूकम्पीय दृष्टिले अत्यन्त संवेदनशील क्षेत्र हो, किनकि यो रिङ अफ फायर भित्र पर्दछ। यस क्षेत्रमा पृथ्वीका टेक्टोनिक प्लेटहरू सक्रिय रूपमा सर्ने भएकाले बारम्बार भूकम्प जाने गर्दछ।
यसअघि पनि फिलिपिन्समा ठूला भूकम्पहरूले ठूलो जनधनको क्षति पुर्याएका छन्, जसले देशमा निरन्तर सतर्कता आवश्यक रहेको देखाउँछ।
