विराटनगर । धनुषाको मुसहर्निया गाउँपालिका-६ लक्ष्मिनियाँ क्षेत्रबाट ठूलो परिमाणमा लागूऔषध गाँजासहित दुई जनालाई प्रहरीले पक्राउ गरेको छ ।
शुक्रबार बिहान डिएसपी गणेशबहादुर बमको कमान्डमा खटिएको टोलीले विशेष सूचनाकै आधारमा उनीहरूको साथबाट ठूलो मात्रामा गाँजा बरामद गरिएको हो ।
उनीहरुको साथबाट बोरामा १३७ केजी गाँजा बरामद गरिएको जिल्ला प्रहरी कार्यालय धनुषाले जनाएको छ। घटनास्थलबाट बीआर ३२ डी ५८८२ नम्बरको मोटरसाइकल र दुई थान मोबाइलसमेत नियन्त्रणमा लिइएको छ। पक्राउ पर्नेमा २६ वर्षीय गणेश कुमार यादव र २४ वर्षीय जितेन्द्र कुमार यादव रहेका छन्।
प्रहरीले दुवै जनालाई नियन्त्रणमा लिई लागूऔषध सम्बन्धी कसुरमा थप अनुसन्धान अघि बढाइएको जनाएको छ ।
