गोप्य सूचनाका आधारमा सशस्त्र प्रहरी बल नेपाल नम्बर १ बराह बाहिनी पकलीको टोलीले उक्त खागसहित उनीहरूलाई नियन्त्रणमा लिएको सशस्त्र प्रहरी बल ४ नम्बर गण सुनसरीका सशस्त्र प्रहरी उपरीक्षक श्याम कार्की ले जानकारी दिए।
उनका अनुसार झापाबाट गैँडाको खाग ल्याइँदैछ भन्ने सूचनाका आधारमा बर्जु–६ ताल नजिकबाट चार जनालाई पक्राउ गरिएको हो। उनीहरूको साथबाट एउटा खाग र दुईवटा मोटरसाइकल समेत बरामद गरिएको छ।
पक्राउ परेकाहरूको नाम भने हाल गोप्य राखिएको छ। घटनामा संलग्न सञ्जाल ठूलो रहेको र अनुसन्धान जारी रहेकाले नाम सार्वजनिक नगरिएको सशस्त्र प्रहरीले जनाएको छ।
