रिफाइनरीका प्रबन्धक सञ्जय गुप्ताका अनुसार आगलागीबाट करिब १५ करोड रुपैयाँ बराबरको क्षति भएको छ। घटनामा रिफाइनरीमा जडान गरिएका स्टिम र थर्मोफुल मेसिन जलेका छन्।
आगो जनकपुर, महेन्द्रनगर र ढल्केबरबाट परिचालन गरिएका पाँचवटा वारुणयन्त्र तथा नेपाल प्रहरी, सशस्त्र प्रहरी बल र नेपाली सेना को संयुक्त प्रयासमा करिब दुई घण्टापछि नियन्त्रणमा लिइएको थियो।
इलाका प्रहरी कार्यालय ढल्केबरका प्रहरी निरीक्षक लक्ष्मण केसीले क्षतिको पूर्ण विवरण संकलन गर्न अझै केही दिन लाग्ने बताए। आगलागीको कारण भने हालसम्म खुल्न सकेको छैन।
