विराटनगर । नेपाली कांग्रेसले संसदीय दलको नेता चयनका लागि वैशाख २ गते प्रक्रिया सुरु गर्ने कार्यतालिका सार्वजनिक गरेको छ।
निर्वाचन समिति संयोजक बनेका सहमहामन्त्री प्रकाश स्नेही रसाइलीका अनुसार दलको नेता चयनका लागि वैशाख २ गते प्रक्रिया सुरु गर्ने र ४ गते निर्वाचन गर्न तयारीमा आफूहरू लागेको बताए ।
प्रतिनिधिसभामा कांग्रेसका १८ जना प्रत्यक्ष र २० जना समानुपातिक निर्वाचन प्रणालीबाट सांसद्हरू निर्वाचित भएका छन् । दलका नेता हुनका लागि अर्जुननरसिंह केसी, भीष्मराज आङ्देम्बे, मोहन आचार्य र भरतबहादुर खड्काले इच्छा देखाएका छन् ।
