विराटनगर । महोत्तरीमा दुई मोटरसाइकल ठोक्किँएर आगलागी हुँदा तीन विद्यार्थीको मृत्यु भएको छ।
जलेश्वर-बर्दिबास सडकखण्ड अन्तर्गत एकडारा गाउँपालिका-५ स्थित बथनाहा गाउँमा आज विपरीत दिशाबाट आइरहेका दुई मोटरसाइकल एकापसमा ठोक्किदा तीन जना विद्यार्थीको घटनास्थलमै मृत्यु भएको जिल्ला प्रहरी कार्यालयले जनाएको छ ।
घाइतेमध्ये दुई जनाको अवस्था गम्भीर र एक जनाको अवस्था मध्यम रहेको प्रहरीले जनाएको छ । उनीहरूको जलेश्वरस्थित प्रादेशिक अस्पतालमा उपचार भइरहेको छ ।
ती विद्यार्थीहरू एसईई परीक्षा दिएर फर्किरहेका थिए ।
