हमास ले इरान लाई छिमेकी देशहरूलाई निशाना नबनाउन आग्रह गरेको छ।
शनिबार वक्तव्य जारी गर्दै हमासले इरानलाई छिमेकी मुलुकहरूमा आक्रमण नगर्न आग्रह गरेको अन्तर्राष्ट्रिय समाचार संस्था रोयटर्स ले जनाएको छ। वक्तव्यमा भनिएको छ, “इरानका दाजुभाइहरूलाई छिमेकी देशहरूलाई निशाना नबनाउन अनुरोध छ।”
यद्यपि हमासले अमेरिका–इजरायल को आक्रमणको जवाफ दिने अधिकार भने इरानलाई रहेको बताएको छ। साथै सबै देश तथा अन्तर्राष्ट्रिय संस्थाहरूलाई तत्काल युद्ध रोक्न पनि आह्वान गरेको छ।
फेब्रुअरी २८ मा इरानमाथि आक्रमण भएपछि उसले मध्यपूर्वका विभिन्न देशमा रहेका अमेरिकी सैन्य अड्डाहरूलाई लक्ष्य बनाएर ड्रोन र मिसाइल आक्रमण गर्दै आएको बताइएको छ।
यसबीच हिजबुल्लाह ले लेबनन बाट इजरायल मा आक्रमण गरिरहेको छ भने हुथी ले पनि इरानप्रति समर्थन जनाएको छ।
विश्लेषकहरूका अनुसार इरानले क्षेत्रीय रूपमा विभिन्न समूहहरूलाई परिचालन गर्दै बनाएको गठबन्धनलाई ‘एक्सिस अफ रेसिस्टेन्स’ भनिन्छ।
