مجموعه سیمای رهبری معظم انقلاب اسلامی काठमाडौं— अमेरिकाका राष्ट्रपति डोनाल्ड ट्रम्पले इरानका सर्वोच्च नेता आयतोल्लाह अली खामेनी मारिएको दाबी गरेका छन्।
ट्रम्पले सामाजिक सञ्जालमार्फत उक्त जानकारी दिएका हुन्। उनले आफ्नो प्लेटफर्म ट्रूथ सोसियलमा लेख्दै अमेरिका र इजरायलले तेहरानमा गरेको संयुक्त आक्रमणमा खामेनी मारिएको उल्लेख गरेका छन्। उनले यस घटनालाई इरानका जनता, अमेरिकनहरू तथा विश्वका धेरै देशका मानिसहरूका लागि ‘न्याय’ भएको टिप्पणीसमेत गरेका छन्।
यसअघि रेउटेर र इजरायली सञ्चारमाध्यमहरूले ८६ वर्षीय इरानका सर्वोच्च नेता खामेनी मारिएको दाबी गरेका थिए। फक्स न्यूजले पनि इजरायलका एक वरिष्ठ अधिकारीलाई उद्धृत गर्दै खामेनी मारिएको समाचार प्रसारण गरेको थियो।
संयुक्त आक्रमणपछि सार्वजनिक गरिएका स्याटेलाइट तस्बिरहरूमा तेहरानस्थित खामेनी निवास परिसर पूर्णरूपमा क्षतिग्रस्त देखिएको जनाइएको छ।
यसअघि ट्रम्पले ट्रुथ सोसलमै ‘इरानका नेतृत्व तहका धेरै व्यक्ति हटिसके’ भन्ने अभिव्यक्ति दिएका थिए। एबीसी न्यूजसँगको टेलिफोन अन्तर्वार्तामा उनले अमेरिकी आक्रमणले ‘पहिले नै ठूलो क्षति पुर्याइसकेको’ र इरानको नेतृत्व तहका ‘धेरै व्यक्ति हटिसकेको’ बताएका थिए।
‘हामीलाई सबैबारे थाहा छैन, तर धेरैजसो हटिसकेका छन्,’ ट्रम्पको भनाइ उद्धृत गरिएको छ। उनले अमेरिकासँग इरानको आगामी नेतृत्वको सूचीबारे पनि ‘धेरै राम्रो जानकारी’ रहेको दाबी गरेका छन्।
यसैगरी बेन्जामिन नेतन्याहुले पनि अमेरिकी–इजरायली आक्रमणपछि खामेनी ‘अब छैनन् भन्ने संकेतहरू बढ्दै गएको’ बताएका थिए।
तेहरानस्थित खामेनी निवास परिसरमा क्षति पुगेको देखाउने स्याटेलाइट तस्बिरहरू यसअघि नै सार्वजनिक भइसकेका छन्।
