विराटनगर । मोरङको रंगेली नगरपालिकालाई मेयर दिलीपकुमार अग्रवालले जग्गा दान गरेका हुन् ।
फोहोर तथा लेदो व्यवस्थापनका लागि भन्दै उनले १ करोड रुपैयाँ बराबरको एक बिग्घा १५ कठ्ठा जग्गा दान गरेका हुन् ।
फोहोर व्यवस्थापनका लागि १ बिग्घा र लेदो व्यवस्थापनका लागि १५ कठ्ठा जग्गा रंगेली नगरपालिकालाई दान गरेका अग्रवालले बताए ।
रंगेली-६ मा रहेको १ बिग्घा १५ कठ्ठा जग्गा मेयर अग्रवालले नगरपालिकालाई दिएका हुन् ।
जुन जग्गाको चलनचल्तीको मूल्य १ करोडको हाराहारीमा रहेको छ ।
उनले दिएको जग्गामध्ये १ बिग्घामा नगरपालिकाले कोशी प्रदेश सरकारको सहयोगमा फोहोर व्यवस्थापनका लागि डम्पिङ साइडको निर्माण गर्ने छ ।
स्वीच सरकारको सहयोग प्राप्त रकमबाट कोशी प्रदेश सरकारले रंगेली-६ मा निर्माण गर्न लागेको फोहोर व्यवस्थापन डम्पिङ साइडको डिपिआर तयार भइसकेको छ ।
बाँकी १५ कठ्ठा जग्गामा संघिय सरकारको सहयोगमा लेदो व्यवस्थापन प्लान्ट निर्माण गर्नेछ ।
