विराटनगर । विराटनगर वडा प्रहरी कार्यालयमा कार्यरत प्रहरी सहायक निरीक्षक (असई) घुस लिएको आरोपमा जिल्ला प्रहरी कार्यालय तानिएका छन् ।
सीआरभी केसलियाको इन्चार्ज रहेका असई रामअवतार यादवलाई घुस लिएको आरोपमा जिम्मेवारीबाट हटाएर जिल्ला प्रहरी कार्यालय मोरङमा तानिएको हो ।
उनले रकम बोकेर आईरहेका एक व्यक्तिलाई नियन्त्रणमा लिएर जर्बरजस्ती मुद्दा चलाउने भन्दै गाडीमा दुईघण्टासम्म केरकार गरेपछि १३ हजार लिएको आरोप छ ।
आरोप लागेपछि उनी विरुद्ध छानविन समेत सुरु भएको छ । मोरङका प्रहरी नायव उपरीक्षक बेदप्रकाश जोशीले उनले घुस लिएको भन्ने विषय आएपछि आन्तरिक छानविन सुरु गरिएको जानकारी दिए ।
