त्रिचन्द्र क्याम्पसमा स्वतन्त्र विद्यार्थी युनियन (स्ववियु) निर्वाचनका लागि गठित निर्वाचन समितिका निर्वाचन अधिकृत डा. अंगदमणि गौतमलाई मोसो दलिएको छ ।
निर्वाचनको पूर्वसन्ध्यामा सोमबार छलफलका लागि बसेको सर्वपक्षीय बैठकमा असन्तुष्ट विद्यार्थीहरूले उनलाई मोसो दलेका हुन् । ती विद्यार्थीले आफू आवद्ध विद्यार्थी संगठनको नाम भने खुलाएनन् ।
निर्वाचन अधिकृत डा. गौतले एकपक्षीय निर्णय गरेपछि मोसो दलिएको एक विद्यार्थी नेताले खबहबलाई जानकारी दिएका छन् । त्रिचन्द्र क्याम्पसमा मंगलबारका लागि निर्वाचन तोकिएको छ ।
निर्वाचन अधिकृत गौतमले चैत १६ गते सूचना जारी गरेर सहज र शान्तिपूर्ण वातावरणमा निर्वाचन सम्पन्न गर्नका लागि सहयोग गर्न अध्यक्ष पदका उम्मेदवारहरूलाई आग्रह गरेका थिए ।
