विराटनगर । विराटनगर महानगरपालिका-२ दुर्गा चोकमा बिहीबार बेलुका खुकुरी प्रहारबाट एक जना घाइते भएका छन् ।
बिहीबार बेलुका दुर्गा चोकमा खुकुरी प्रहार हुँदा रमेश गुप्ता घाइते भएका हुन् ।
घाँटीमा खुकुरीले लागेर उनी गम्भीर घाइते भएका छन् ।
घाइते उनलाई उपचारका लागि मोरङको बूढीगंगास्थित विराट टिचिङ अस्पताल पुर्याइएको छ ।
उपचारका लागि कोशी अस्पताल लगिएको भए पनि कोशीले थप उपचारका लागि विराट रिफर गरिएको बुझिएको छ ।
खुकुरी प्रहार गर्ने व्यक्ति सक्षम सापकोटा रहेको मोरङ प्रहरी प्रवक्ता डिएसपी वेदप्रकाश जोशीले जानकारी दिए ।
उनका अनुसार खुकुरी प्रहार गर्ने सक्षमको मानसिक अवस्था ठिक नरहेको पाइएको छ ।
आफ्नो घरमा काम गर्ने गुप्तामाथि धारिलो हतियार प्रहार गरेको विषय आएको बताउँदै डिएसपी जोशीले यस विषयमा थप जानकारी आउन बाँकी रहेको सुनाए ।
बन्दुक प्रहार गर्ने सक्षम हाल फरार रहेका छ्न् । तर, घटनास्थलमा बन्दुक पनि भेटिएको छ ।
