विराटनगर । भोजपुर जिल्लाको आमचोक गाउँपालिका-६ थापाचोकस्थित घोडेटार बालंखा कच्ची सडकखण्डमा ट्र्याक्टरबाट लडेर एक जनाको मृत्यु भएको छ ।
पुर्णे बजारबाट बासिखोरा तर्फ जाँदै गरेको प्रदेश नं.१-०२-००३ त.१३४३ नम्बरको ट्याक्टरबाट लडेर एक युवकको मृत्यु भएको छ ।
बिहीबार साँझ ४ः४५ बजेतिर भएको उक्त दुर्घटनामा आमचोक गाउँपालिका-७ निवासी अन्दाजी २१/२२ वर्षीय निसान राईको मृत्यु भएको हो ।
ट्याक्टरको ट्रलीबाट अचानक लड्दा ट्याक्टरको पछाडिको चक्काले किचेर उनको घटनास्थलमै मृत्यु भएको हो ।
ट्याक्टर चालक संखुवासभा जिल्लाको चैनपुर नगरपालिका-७ निवासी २५ वर्षीय ओङ्दि शेर्पा इलाका प्रहरी कार्यालय बोयाङको नियन्त्रणमा रहेका छन् ।
घटनास्थल ट्राफिक प्रहरी पोष्ट घोडेटार भोजपुरबाट ७ किलोमिटर पश्चिममा पर्छ ।
प्रारम्भिक अनुसन्धानमा दुर्घटनाको कारण चालकको लापरवाही रहेको जनाइएको छ । घटनाको सम्बन्धमा थप अनुसन्धान भइरहेको प्रहरीले जनाएको छ ।
