हेटौँडा । मकवानपुरको ईन्द्रसरोवर गाउँपालिका-३ स्थित अदुवाबारीमा बाबुआमाले प्रतीकार गर्दा छोराको मृत्यु भएको छ ।
अदुवाबारीका ६३ वर्षीय मीनबहादुर भ्लोनको भ्लोनको आँखामा खुर्सानीको धुलो छरी चोरीको प्रयास गरेको आरोप लागेका भरथकुमार भ्लोनको शुक्रबार मृत्यु भएको हो ।
खुर्सानी दल्ने अरू कोही नभई आफ्नै छोरो भएको दाबी प्रहरीको छ । तर, आमा र बाबुले भने आफूहरूले नचिनेको भनाइ छ ।
मीनबहादुर र श्रीमती ६४ वर्षीय देवीमाया भ्लोन खाना खाइरहेको अवस्थामा चोरी प्रयास गरेको आरोप लागेका छोरा भरथकुमार भ्लोनमाथि मिनबहादुर दम्पत्तिबाट भएको प्रतिकारमा गम्भीर घाइते भएका थिए ।
भरथकुमारको भरतपुर अस्पताल चितवनमा उपचारको क्रममा शुक्रबार मृत्युभएको जिल्ला प्रहरी कार्यालय मकवानपुरका प्रहरी नायव उपरीक्षक श्यामु अर्यालले जानकारी दिए ।
अर्यालका अनुसार मिनबहादुर दम्पत्तिले आफ्नै घरमा खाना खाइरहेको अवस्थामा गएराति ३९ वर्षीय भरथकुमारले मिनबहादुर भ्लोनको आँखामा खुर्सानीको धुलो छरी चोरीको प्रयास गरेका थिए ।
उता मिनबहादुर दम्पतीले यसअघि चोरी गर्न आउने भरथकुमारलाई आफूहरुले नचिनेको बताउँदै आएको प्रहरीको भनाइ छ । प्रहरी नायब उपरीक्षक अर्यालले भरथकुमारको पहिचान खुलेको र मिनबहादुरको छोरा भएको बताए ।
प्रहरी नायव उपरीक्षक अर्यालले निज भरथकुमारले खुर्सानीको धुलो छर्केर एक्कासि घरमा प्रवेश गरी गर्न लाग्दा मिनबहादुर भ्लोन र श्रीमती देवीमाया भ्लोनले भान्छामा रहेको सामानले प्रतिकार गर्दा भरथकुमारको टाउको, मुख, शरीरको विभिन्न भागमा चोट लागि गम्भीर घाइते भएको बताए ।
यस्तै, घरधनी मिनबहादुरको हात, मुख र टाउकोमा तथा देवीमायाको हात र आँखा नजिक चोट लागेको छ ।
प्रहरीका अनुसार मिनबहादुर र देवीमायाको हेटौँडा अस्पतालमा उपचार पछि शुक्रबार थप उपचारका लागि काठमाडौँ पठाइएको छ ।
भरथकुमारलाई पनि हेटौँडा अस्पतालमा उपचारपछि थप उपचारका लागि भरतपुर अस्पताल पठाइएको थियो । यसअघि चोरी गर्ने को भन्ने खुलेको थिएन ।
