विराटनगर । दक्षिण कोरियाको मुआन अन्तर्राष्ट्रिय विमानस्थलमा १८१ जना सवार विमान दुर्घटना भएको छ ।
अवतरणका क्रममा विमान धावनमार्गबाट चिप्लिएर पर्खालमा ठोकिएर दुर्घटना भएको हाे ।
त्यसपछि विमानमा आगो लागेको थियो ।
विमान दुर्घटनाको भिडिओ सामाजिक सञ्जालमा भाइरल भइरहेको छ, जसमा विमान विस्फोट भएको देख्न सकिन्छ ।
दुर्घटनामा कति जनाको मृत्यु भयो भन्ने यकिन भएको छैन ।
तर अन्तर्राष्ट्रिय सञ्चारमाध्यम एक्सप्रेसले अहिलेसम्म २८ जनाको मृत्यु भएको जनाएको छ ।
समाचार एजेन्सी योनहापका अनुसार दुर्घटनाको कारण चराहरूसँग विमान ठोक्किएको देखिन्छ ।
