विराटनगर । विराटनगर–४ पिपल चौकस्थित बाजेको सेकुवा कर्नर अगाडि सिटी सफारी र मोटरसाईकल एकापसमा ठोक्किदा १ जना घाईते भएका छन् ।
दुर्घटना परी मोटरसाईकल चालक घाईते भएका हुन् । घाईतेको एयरपोर्ट मोडस्थित हाम्रो अस्पतालमा उपचार भईरहेको छ । उत्तरबाट दक्षिणतर्फ गईरहेको मोटरसाईकललाई कोशी राजमार्गको पूर्वबाट पश्चिमतर्फबाट बाटो काटिरहेको सिटी सफारीले ठक्कर दिँदा दुर्घटना भएको स्थानीय प्रत्यक्षदर्शीले बताएका छन् ।
मोटरसाईकललाई ठक्कर दिने सिटी सफारी र चालक हाल फरार रहेको जिल्ला ट्राफिक प्रहरी कार्यालयका प्रमुख प्रहरी निरीक्षक सुमन न्यौपानेले बताए । उनले दुर्घटना गराएर फरार रहेको सिटी सफारीको अगाडिको भागमा क्षति पुगेको जानकारी दिए । उनले भने, ‘सिसीटिभी फुटेजको आधारमा सफारी र चालकको खोजी कार्य भईरहेको छ । छिट्टै प्रहरी नियन्त्रणमा हुनेछ ।’
घटनाबारे भने थप अनुसन्धान भईरहेको जिल्ला प्रहरी कार्यालय मोरङले जनाएको छ ।
