विराटनगर । मोरङको विराटनगर महानगरपालिका-१९ मिलनचोकमा कारको ठक्करबाट पैदलयात्री गम्भीर घाइते बनेका छन् ।
आइतबार राति ९:३० बजेतिर मिलनचोकस्थित विराटचोक-घिनाघाट सडकखण्डमा झोराहाटबाट पुष्पलालचोकतर्फ आउँदै कारले पैदलयात्रीलाई ठक्कर दिएको थियो ।
गरेको प्रदेश १-०४-००१ च १०७३ नम्बरको कारको ठक्करबाट सोही ठाउँका मेघराज कट्टेलका छोरा १८ वर्षीय देवाशीष कट्टेल गम्भीर घाइते बनेका हुन् ।
शरीरको विभिन्न भागमा चोट लागेका देवाशीषको विराटनगरस्थित नोवेल शिक्षण अस्पतालमा उपचार भइरहेको छ ।
मोरङ प्रहरीले कार र कार चालक विराटनगर-११ बस्ने ३४ वर्षीय विकाज रायमाझीलाई नियन्त्रणमा लिएको छ ।
कार तीव्र गतिमा कुदाएका कारण दुर्घटना भएको प्रहरीको प्रारम्भिक अनुसन्धानले देखाएको छ ।
