खोटाङ । खोटाङ प्रहरीले बालिकालाई बलात्कार गरेको आरोपमा एक स्वास्थ्यकर्मीलाई पक्राउ गरेको छ ।
पक्राउ पर्नेमा खोटाङको बराहपोखरी गाउँपालिका-२ सुन्तलेका २२ वर्षीय सन्तोष मगर रहेका छन् ।
खोटाङ प्रहरी प्रमुख प्रहरी नायब उपरीक्षक पुरुषोत्तम खड्काका अनुसार उनलाई माघ ११ गते पक्राउ गरेर अनुसन्धान भइरहेको छ ।
घटना गत पुस २९ गतेको हो । मावली हजुरआमाको स्वास्थ्य चेकजाँच गर्नका लागि ती बालिका सुन्तले स्वास्थ्य चौकी आएकी थिइन् ।
हजुरआमाको स्वास्थ्यवस्था सोध्ने बाहनामा स्वास्थ्य चौकी सुन्तलेमा कार्यरत करारका अहेव मगरले ती बालिकालाई एकान्त कोठामा लगेका थिए ।
एकान्त कोठामा लगेर जबरजस्तीकरणी गरेको भन्दै ढिलागी प्रहरीसमक्ष उजुरी परेको थियो ।
स्वास्थ्य चौकीबाट फर्किएलगत्तै हजुरआमाको मृत्यु भएको र काजकिरिया गर्दा उजुरी दिन ढिला भएको पीडित बालिकाको परिवारले जनाएको छ ।
