एजेन्सी । अर्बपति व्यापारी तथा अडानी समूहका अध्यक्ष गौतम अडानीले सम्पत्तिमा मुकेश अम्बानीलाई उछिनेका छन् ।
हिडनबर्ग अनुसन्धान मामिलामा पुनः अनुसन्धानको प्रश्नमा सर्वोच्च अदालतको निर्णयसँगै गौतमले रिलायन्स इन्डस्ट्रिजका अध्यक्ष अम्बानीलाई उछिनेका हुन् ।
सो निर्णयपछि अडानी समूहको बजार पुँजीकरण बुधबार बढेर १५.११ लाख करोड भारतीय रुपैयाँ पुगेको छ ।
यसअघि १४.४७ लाख करोड भारतीय रुपैयाँ थियो ।
यससँगै अडानीको परिवारको सम्पत्ति अम्बानीको सम्पत्तिभन्दा बढी भएको हो ।
यसरी गौतम भारतको सबैभन्दा धनी प्रमोटर पनि बनेका छन् ।
अडानी समूहमा अदानी परिवारको कूल सम्पत्ति बढेर ९.३७ लाख करोड रुपैयाँ पुगेको छ ।
बुधबार यो सम्पत्ति ८.९८ लाख करोड रुपैयाँ थियो ।
मुकेश अम्बानीको परिवारको कूल सम्पत्ति ९.२८ लाख करोड रुपैयाँ छ ।
