एजेन्सी । अमेरिकी पूर्वराष्ट्रपति डोनाल्ड ट्रम्पले २०२४ मा हुने राष्ट्रपतिको चुनाव लड्न नपाउने भएका छन् ।
कोलोराडोको सर्वोच्च अदालतले ट्रम्पलाई सन् २०२४ मा राष्ट्रपतिको उम्मेदवार हुन अयोग्य रहेको ठहर गरेको हो ।
अमेरिकी क्यापिटलमा जनवरी ६ मा भएको दङ्गाका कारण ट्रम्प सन् २०२४ मा राष्ट्रपतिको उम्मेदवार हुन अयोग्य रहेको फैसला आएको हो ।
सर्वोच्च अदालतले चार–तीन मतको आधारमा विद्रोहमा संलग्न व्यक्तिहरूलाई पदमा उम्मेदवार हुनबाट प्रतिबन्धित गर्ने १४ औं संशोधनको धारा ३ को प्रावधानअन्तर्गत ट्रम्पलाई प्रतिबन्ध लगाइएको बताएको छ ।
यता, ट्रम्पले सर्वोच्च अदालतको आदेशको खण्डन गरेका छन् ।
अब, यो मुद्दा अमेरिकी सर्वोच्च अदालतमा जाने बताइएको छ ।
ट्रम्पको अभियानका प्रवक्ता स्टीवन चेउङले छिट्टै अमेरिकी सर्वोच्च अदालतमा अपील गर्ने बताएका छन् ।
