झापा । झापामा बुधबार बिहान धान माड्ने थ्रेसरमा च्यापिएर किसानको मृत्यु भएको छ ।
मृत्यु हुनेमा झापा गाउँपालिका-२ सुँगाथानका ५७ वर्षीय नुनुवा टुडू रहेका छन् ।
आफ्नै धानको कुन्यूमा थ्रेसर लगाउने क्रममा टुडूको थ्रेसरमा च्यापिएर मृत्यु भएको झापा प्रहरीले जनाएको छ ।
स्थानीय चन्द्रदेव राजवंशीको प्र१–०१–००१ त ८०९२ नम्बरको ट्र्याक्टरबाट थ्रेसर लगाउने क्रममा टुडू च्यापिएका थिए ।
बिहान ५ बजेतिर भएको सो घटनामा टुडुकाे बीभत्स रूपमा मृत्यु भएको झापा प्रहरी प्रवक्ता प्रहरी नायब उपरीक्षक खगेन्द्रप्रसाद रिजालले जानकारी दिए ।
उनका अनुसार घटनाको विषयमा आवश्यक अनुसन्धान भइरहेको छ ।
थ्रेसर तथा ट्र्याक्टर चालक फरार रहेकाले खोजी कार्य भइरहेको डिएसपी रिजालले जनाए ।
