पाकिस्तानस्थित पञ्जाब शहरमा बलात्कारका घटना बढ्दै गएपछी सरकारले आपतकाल घोषणा गरेको छ ।
पञ्जाबमा दैनिक चारदेखि–पाँचवटा बलात्कारका घटनाहरू रिपोर्ट भइरहेका छन् ।
बलात्कार जस्ता घटनामा वृद्धि हुनु समाज र सरकारी अधिकारीका लागि गम्भीर समस्या भएको पञ्जाबका गृहमन्त्री अत्ता तरार बताउँछन् ।
बलात्कार मामिला तथा कानुनको व्यवस्थाको बारे मन्त्रिपरिषद्ले समीक्षा गर्ने पनि गृहमन्त्री तरारले बताए ।
उनका अनुसार यस विषयमा नागरिक समाज, महिला अधिकार अधकिार सङ्गठन, शिक्षक र विकलसँग पनि परामर्श लिइनेछ ।
यौन उत्पीडन, दुर्व्यवहार र जबरजस्तीका घटनाहरू समाधान गर्न सरकार लागिपरिरहेको उनको भनाई छ ।
बलात्कारको बढ्दो घटनासँग प्रभावकारी ढंगबाट जुध्न आपतकाल घोषणा गर्नुपरेको पञ्जाब सरकारको भनाइ छ ।
सरकारले हाल बालबालिकालाई एक्लै नछोड्न समेत अपिल गरेको छ । यस्तै, सरकारले ‘एन्टी रेप’ अभियान समेत सञ्चालनमा ल्याउने तयारी गरिरहेकाे छ ।
केही अघिमात्र पाकिस्तानमा गुडिरहेको रेलमा एक महिलाको सामूहिक बलात्कार भएको थियो ।
क्यानडाको थमसन रोयटर्स फाउन्डेसनको अध्ययनअनुसार सन् २०२१ मा पाकिस्तानमा १ हजारभन्दा बढी महिलाको ‘अनर किलिङ’ भएको छ । पाकिस्तानमा ‘अनर किलिङ’ र बलात्कारको घटना बढ्दै गएको छ ।
