नेपाली राष्ट्रिय फुटबल टोलीले अफगानिस्तानसँग दुई वटा मैत्रीपूर्ण फुटबल खेल्ने भएको छ ।
अखिल नेपाल फुटबल संघ (एन्फा) का अनुसार नेपालले जेठ ११ र १५ गते कतारको दोहामा अफगानिस्तानसँग फुटबल खेल्न लागेको हो ।
एएफसी एसिया कप छनोट तेस्रो चरणको तयारीमा रहेको नेपालले त्यसैको तयारीका लागि अफगानिस्तानसँग दुईवटा अन्तर्राष्ट्रिय मैत्रीपूर्ण खेल खेल्न लागेको नेपाली टोलीका म्यानेजर मधुसुदन उपाध्यायले जानकारी दिए ।
नेपाली टोलीले अहिले एएफसी एसिया कप छनोट खेलको बन्द प्रशिक्षण सुरु गरिसकेको छ ।
टोलीका प्रशिक्षक अब्दुल्लाह अल्मुताइरीले २५ सदस्सीय खेलाडी छनोट गरी तयारी सुरु गरेका छन् ।
चीन हुने प्रतियोगिताका लागि कुवेतमा हुने छनोटमा नेपाल समूह ‘ए’ मा रहेको छ ।
नेपाल रहेको समूहमा आयोजक कुवेत, इन्डोनेसिया र जोर्डन छन् ।
कठिन समूहमा रहेको नेपाललाई ठुला टोलीसँग छनोट खेल खेल्न निकै चुनौतीपूर्ण रहेको छ ।
मुख्य प्रशिक्षक अल्मुताइरीले नेपाली टोली छनोट हुन सक्दैन भन्दै सार्वजनिक रूपमा बताइसकेका छन् भने खेलाडीले अन्तिम समयसम्म सुखद नतिजाका लागि लड्ने बताएका छन् ।
नेपालको समूहका छनोट खेलहरू कुवेतमा आयोजना हुने छन् ।
नेपाली टोलीले दशरथ रंगशालामा जुन ८ देखि १४ सम्म कुवेतमा हुने प्रतियोगिताका लागि तयारी थालेको हो ।
छनोट प्रतियोगिताका लागि समूह ‘ए’ मा रहेको नेपालसँगै आयोजक कुवेत, इन्डोनेसिया र जोर्डन छन् ।
एएफसीले एसियाली २४ टोलीलाई ६ समूहमा विभाजन गरेको छ ।
जसअन्तर्गत हरेक समूहका शीर्ष टोली र ५ समूहका उत्कृष्ट दोस्रो टोली चीनमा आयोजना हुने एसियन कप २०२३ का लागि योग्य हुने छन् ।
जसअन्तर्गत नेपालले जुन ८ मा जोर्डनसँग खेल्दै छनोटको सुरुआत गर्नेछ भने दोस्रो खेल नेपालले जुन ११ मा कुवेतसँग खेल्ने छ।
यस्तै, अन्तिम खेल जुन १४ मा इन्डोनेसियाविरुद्ध खेल्ने छ ।
त्यसअघि नेपाली टोली वैदेशिक भ्रमण गर्दा केही मैत्रीपूर्ण खेल खेल्ने तालिका छ ।
यद्यपि कुन टोलीसँग हुने भने तय भएको छैन ।
एसियाका २४ टोलीलाई हरेक समूहका शीर्ष टोली र ५ समूहको उत्कृष्ट दोस्रो टोली चीनमा आयोजना हुने एसियन कप २०२३ मा छनोट हुनेछन् ।
