१५औं संस्करणको इन्डियन प्रिमियर लिग आईपिएलमा आज दुई खेल हुँदैछन् ।
हिजोबाट सुरू भएको आईपिएलमा आज दिल्ली क्यापिटल्स, मुम्बई इन्डियन्स, पन्जाब किंग्स र रोयल च्यालचेन्र्जस बैङ्गलोरबीचमा खेल हुँदैछ ।
आजको पहिलो खेलमा दिल्लीले मुम्बईको सामना गर्दैछ । ब्रेबोर्न रङ्गशालामा दिउँसो पौने चार बजे सुरू हुने खेलमा दिल्लीको कप्तानी रिसभ पन्तले गर्नेछन् भने मुम्बईको नेतृत्वले रोहित शर्माले गर्दैछन् ।
मुम्बईलाई सूर्यकुमार यादवको अभाव हुँदा दिल्लीका लागि भने अधिकाशं विदेशी खेलाडी अनुपस्थित हुने निश्चित छ ।
डेभिड वार्नर, मिचेल मार्स, एर्निक नोर्किया, लुङ्गि इन्गिडी, मुस्ताफिजुर रेहमानको अनुपस्थितीको फाइदा मुम्बईले उठाए उसको जित निश्चित हुनेछ ।
पञ्जाब र बैङ्गलोरबीचको खेल भने पौने आठ बजे सुरू हुनेछ ।
डिवाइ पाटिल क्रिकेट रङ्गशालामा हुने उक्त खेल झनै रोमान्चक हुनेछ ।
बैङ्गलोरका नयाँ कप्तान फाप डु प्लेसिसको कप्तानी परिक्षा हुँदा उनलाई टक्कर दिन पञ्जाबका युवा कप्तान मायांक अग्रवाल तयार छन् ।
आजको खेलमा बैङ्गलोरका पनि विदेशी खेलाडीको अनुपस्थितीले समस्या निम्त्याउन सक्ने देखिन्छ ।
जोनी बेयरस्टो, कागिसो रबाडा, ग्लेन म्याक्सवेल र जोस हेजलवुडको स्थानमा अन्य खेलाडीले उत्तिकै प्रदर्शन गर्न नसके फापलाई केही दबाब हुनेछ ।
बैङ्गलोरका तुलनामा पञ्जाबमा खेलाडीको अभाव कम देखिन्छ । शिखर धवन र कप्तान अग्रवालको ओपनिङ जोडी टिक्ने हो भने उनीहरुले नै बैङ्गलोरविरुद्ध राम्रो योगफल बनाउ सक्नेछन् ।
तर आजको खेलले कस्तो दिशा लिने हो त्यसको लागि खेलको नजिता पर्खनुको विकल्प छैन ।
हिजो भएको आईपिएलको पहिलो खेलमा गत सिजनको च्याम्पियन टोली चेन्नई सुपर किंग्स कोलकत्ता नाइट राइडर्ससँग ६ विकेट पराजित भएको छ ।
आईपिएलमा भोलि पनि दुई खेल हुनेछन् ।
पहिलो खेलमा गुजरात टाइटन्स लखनउ सुपर जाइन्ट्सविरुद्ध मैदान उत्रँदा दोस्रो खेल सनराइजर्स हैदराबाद र राजस्थान रोयल्स्बीच हुनेछ ।
