नेपाली राष्ट्रिय पुरुष फुटबल टोलीले बिहीबार (आज) थाइल्यान्डको राष्ट्रिय टिमसँग मैत्रीपूर्ण खेल खेल्दै छ ।
नेपालले चोनबरीमा घरेलु टोली थाइल्यान्डको सामना गर्ने छ ।
यो खेल खेल नेपाली समयअनुसार साँझ ५:४५ बजे सुरु हुने छ ।
थाइल्यान्डको बाङ प्ला साेईस्थित चोनुबारी स्टेडियममा हुने खेलमा नेपाल घरेलु टोलीमाथि जित निकाल्ने दाउमा हुने छ ।
तथापि, थाइल्यान्डमाथि जित निकाल्न त्यति सहज भने छैन ।
किनकि, यसअघिका दुई भेटमा नेपालमाथि थाइल्यान्डले जित निकालेको थियो ।
एएफसी एसियन कप छनोट अन्तर्गत तेस्रो चरणको खेल अघि नेपालले फिफा वरीयतामा आफूभन्दा माथि रहेको थाइल्यान्डसँग खेल्न लागेको हो ।
यस्तै, नेपालले थाइल्याण्डको क्लब चोनबरी एफसीसँग पनि मैत्रीपूर्ण खेल खेल्नेछ ।
उक्त खेल आइतबार चोनुबारीमै हुने छ ।
एसियन कप छनोटमा नेपाल समूह ‘ए’ मा रहेको छ ।
नेपाल रहेको समूहमा कुवेत, इन्डोनेसिया र जोर्डन रहेका छन् ।
नेपालको समूहको छनोट खेलहरु कुवेतमा आयोजना हुने छ ।
छनोट खेलहरु जुन ८ देखि १४ सम्म हुने छ ।
नेपालले जुन ८ मा जोर्डनसँग खेल्दै छनोटको सुरुआत गर्ने छ ।
दोस्रो खेलमा नेपालले जुन ११ मा कुवेतको सामना गर्ने छ ।
नेपालले जुन १४ मा इन्डोनेसियाविरुद्ध खेल्ने छ ।
यस खेलका लागि मुख्य प्रशिक्षका अबदुल्लाह अलमुताइरीले २५ सदस्यीय खेलाडीलाई बन्द प्रशिक्षणमा बोलाएका थिए ।
त्यसमा केही खेलाडीले भिसा नपाएका कारण परिवर्तन भएको छ ।
यस खेलमा एएफसी कप छनोटको तयारी गरिरहेका कारण मच्छिन्द्रका खेलाडीलाई भने प्रशिक्षक अलमुताइरीले बोलाएका छैनन् ।
मच्छिन्द्रले एएफसी कप छनोटमा श्रीलङ्काको ब्लु स्टारविरुद्ध अप्रिल ५ मा प्रतिस्पर्धा गर्दै छ ।
ब्लु स्टारविरुद्धको खेलमा मच्छिन्द्रले सुखद नतिजा निकाले मच्छिन्द्रले अप्रिल १२ मा भारतको मोहन बगानविरुद्ध खेल्ने तालिका छ ।
समूह चरणमा स्थान बनाउन मच्छिन्द्रलाई मोहन बगानविरुद्धको खेल पनि जित्नुपर्ने हुन्छ ।
सहिद स्मारक ए डिभिजन लिगको सातौँ चरण सकिँदा अङ्क तालिकाको शीर्ष स्थानमा रहेपछि मच्छिन्द्रले एएफसी कप छनोटका लागि स्थान पक्का गरेको हो ।
जुन अखिल नेपाल फुटबल सङ्घ (एन्फा) लिगको दौरानमा यस्तो सूचना निकालेको थियो ।
यो पनि :
