नेपाली राष्ट्रिय फुटबल टिमका डिफेन्डर अनन्त तामाङको डेब्यु खेलमा स्पोर्टिङ क्लब इस्ट बङ्गाल इन्डियन सुपर लिग (आइएसएल) मा पराजित भएको छ ।
शनिबार भएको खेलमा इस्ट बंगाललाई बेङ्गलुरु एफसीले १-० गोल अन्तरले हराएको हो ।
बेङ्गलुरुलाई जित दिलाउन सुनिल क्षेत्रीले निर्णायक गोल गरे ।
सुनिलले २४ औं मिनेटमा गरेको गोल बेङ्गलुरुको जितमा निर्णायक बन्यो ।
यस खेलबाट अनन्तले समेत क्लब र आईएसएलमा डेब्यु गरे ।
बेङ्गलुरुविरुद्ध अनन्त सुरुवाती-११ मै टिममा परे ।
इस्ट बंगालले सेन्टर ब्याक अनन्तलाई यस सिजनको अन्तिमसम्मका लागि अनुबन्ध गरेको हो ।
जितपछि छैटौं स्थानको बेङ्गलुरुले २० खेलमा २९ अंक जोड्यो ।
इस्ट बंगाल ११ अंक जोडेर पुछारमा रह्यो ।
यस खेलसँगै अनन्त आइएसएल खेल्ने पहिलो नेपाली खेलाडी बनेका छन् ।
दुई साताअघि आइएसएल खेल्ने टोली स्पोर्टिङ क्लब इस्ट बङ्गालमा अनुबन्धित उनले पहिलो खेल खेलेका हुन् ।
यसअघि नेपालका कुनै पनि खेलाडीले आइएसएल खेलेका छैनन् ।
गत साताबाट अनन्तले प्रशिक्षण सुरु गरेका थिए ।
इस्ट बङ्गालले सेन्टर ब्याक अनन्त तामाङलाई यस सिजनको अन्तिमसम्मका लागि अनुबन्ध गरेको हो ।
