राष्ट्रिय फुटबल टिमका डिफेन्डर अनन्त तामाङ इन्डियन सुपर लिग (आइएसएल) खेल्ने पहिलो नेपाली खेलाडी बनेका छन् ।
शनिबार (आज) पहिलो खेल खेल्दै अनन्त आइएसएल खेल्ने पहिलो नेपाली खेलाडी बनेका हुन् ।
अनन्तले एफसी इस्ट बङ्गालका लागि बेङ्गलुरुविरुद्ध पहिलो रोजाइमा खेल्दै आइएसएलमा डेब्यु गरेका हुन् ।
दुई साताअघि आइएसएल खेल्ने टोली स्पोर्टिङ क्लब इस्ट बङ्गालमा अनुबन्धित उनले पहिलो खेल खेलेका हुन् ।
यसअघि नेपालका कुनै पनि खेलाडीले आइएसएल खेलेका छैनन् ।
अनन्तले आइएसएलमा चार खेलमात्र खेल्ने छन् ।
किनकि, उनीआबद्ध इस्ट बङ्गालले लिगमा अब चार खेल खेल्न बाँकी छ ।
इस्ट बङ्गाल लिगको ११औँ स्थानमा छ ।
२० खेल खेलेको उसले ११ अङ्कमात्र जोडेको छ ।
अहिले उसले भारतीय राष्ट्रिय टिमका कप्तान सुनिल क्षेत्री सम्मेलित बेङ्गलुरुसँग खेलिरहेको छ ।
पुछारमा रहेको उसले अघिल्ला पाँच खेलमा जित निकाल्न सकेको छैन ।
गत साताबाट अनन्तले प्रशिक्षण सुरु गरेका थिए ।
इस्ट बङ्गालले सेन्टर ब्याक अनन्त तामाङलाई यस सिजनको अन्तिमसम्मका लागि अनुबन्ध गरेको हो ।
