नेपाली राष्ट्रिय फुटबल टिमका डिफेन्डर अनन्त तामाङले सोमबार (आज) इन्डियन सुपर लिग (आइएसएल) मा पहिलो खेल खेल्दै छन् ।
गत बुधबार आइएसएल खेल्ने टोली स्पोर्टिङ क्लब इस्ट बङ्गालमा अनुबन्धित उनले पहिलो खेल खेल्न लागेका हुन् ।
इस्ट बङ्गालले आज नेपाली समयानुसार बेलुकी ७ः४५ बजे नर्थ इस्ट युनाइटेडविरुद्ध खेल्दै छ ।
घरेलु मैदान तिलक मैदानमा हुने यस खेलमा अनन्त तामाङको टिम जितको लयमा फर्किने दाउमा हुने छ ।
पुछारमा रहेको उसले अघिल्ला पाँच खेलमा जित निकाल्न सकेको छैन ।
गत साता इस्ट बङ्गालसँग सम्झौता गरेका अनन्तले अनन्तले हिजोबाट मात्र प्रशिक्षण सुरु गरेका थिए ।
इस्ट बङ्गालले सेन्टर ब्याक अनन्त तामाङलाई यस सिजनको अन्तिमसम्मका लागि अनुबन्ध गरेको हो ।
अनन्त आइएसएल खेल्ने पहिलो नेपाली खेलाडी हुन् ।
यसअघि नेपालका कुनै पनि खेलाडीले आइएसएल खेलेका छैनन् ।
अनन्तले आइएसएलमा चार खेलमात्र खेल्ने छन् ।
किनकि, उनीआबद्ध इस्ट बङ्गालले लिगमा अब चार खेल खेल्न बाँकी छ ।
इस्ट बङ्गाल लिगको ११औँ स्थानमा छ ।
यो पनि :
जनगणनामा समलिङ्गी गणकको अनुभव : प्रश्न गर्दा प्रतिप्रश्नमा ‘जेन्डर’ र बिहेबारे सोधेर हैरानी !
