पिएरे एमरिक अबमेयाङको ह्याट्रिकको मदतले स्पेनिस ला लिगामा बार्सिलोनाले सानदार जित निकालेको छ ।
आइतबार भएको खेलमा बार्सिलोनाले भ्यालेन्सियालाई ४–१ ले हराएको हो ।
बार्सिलोनालाई जित दिलाउन पिएरे एमरिक अबमेयाङले तीन गोल गरे भने फ्रेन्की डि योङले एक गोल गरे ।
फेब्रुअरीमै मात्र अबमेयाङ आर्सनलबाट बार्सिलोना आएका थिए ।
भ्यालेन्सियाविरुद्ध पहिलोपल्ट सुरुदेखि खेल्ने अवसर पाएका उनले ह्याट्रिक गोल गरे ।
भ्यालेन्सियाका लागि भने कार्लोस सोलेरले गोल गरेका थिए ।
खेलको २३ औं मिनेटमा अबमेयाङले गोल गर्दै बार्सिलोनालाई सुरुआती अग्रता दिलाएका थिए ।
उनको यो बार्सिलोनाका लागि पहिलो गोलसमेत थियो ।
३२ औं मिनेटमा डी योङले गोल गर्दै बार्सिलोनाको अग्रता दोब्बर बनाए ।
खेलको ३८ औं मिनेटमा अबमेयाङले व्यक्तिगत दोस्रो गोल गर्दै टोलीलाई ३-० को अग्रता दिलाए ।
खेलको ५२ औं मिनेटमा कार्लोस सोलेरले गोल गर्दै भ्यालेन्सियालाई ३-१ को स्थितिमा ल्याए ।
तर, खेलको ६३ औं मिनेटमा पेड्रीले गोल गर्दै बार्सिलोनालाई ४-१ को जित दिलाए । पेनाल्टी क्षेत्रबाहिर बाट पेड्रीले गरेकाे प्रयासले जाली चुमेकाे थियाे ।
खेल अवधिभर गाेलकाे श्रेय पेड्रीलाई नै दिइएपनि खेलकाे अन्तिममा म्याच रेफ्रि कार्लोस डेल सेरो ग्रान्डेले गाेल अबमेयाङकाे नाममा दर्ता गरिदिएपछि बार्सिलाेनाकाे जर्सिमा पहिलाे ह्याट्रिक गर्न सफल भएका हुन् ।
पेड्रीले प्रहारकाे गरेकाे बल अबमेयाङ ढाँडमा लागेर डिफ्लेक्ट हुँदै भ्यालेन्सियाकाे पाेस्टमा छिरेकाे थियाे ।
बार्सिलाेनाका लागि चार खेल खेलेका अबमेयाङले क्लबका लागि हालसम्म तीन गाेल गरेका छन् ।
पछिल्लाे पटक इंग्लिस क्लब आर्सनलबाट व्यवसायीक क्लब फुटबल खेलेका अबमेयाङले एक सय ६३ खेलमा ९२ गाेल र २१ असिस्ट गरेका छन् ।
भ्यालेन्सियाविरुद्धकाे खेलमा जित दर्ता गरेसँगै स्पेनिस लिगमा बार्सिलोनाको अपराजित यात्रा नौ खेलसम्म पुगेको छ ।
यस्तै, जितपछि बार्सिलोना ४२ अङ्क जोडेर चौथो स्थानमा उक्लिएको छ ।
बार्सिलाेनाबाहेक शीर्ष चारका सबै क्लबले २५ खेल खेलिसकेका छन् ।
२५ खेलबाट सर्वाधिक ५७ अङ्क जाेडेकाे रियल मड्रिड ला लिगाकाे शीर्षा स्थानमा रहँदा समान खेलबाट ५१ अङ्क जाेडेकाे सेभिल्ला दाेस्राे स्थानमा छ ।
बार्सिलाेनाभन्दा चार अङ्क बढी रहेकाे रियल बेटिस ला लिगा अङ्क तालिकाकाे तेस्राे स्थानमा छ ।
फेब्रुअरी २८ मा हुने एथ्लेटिकविरुद्धकाे खेलमा जित निकाल्दै बार्सिलाेनाले शीर्ष तीन क्लबसँगकाे अङ्क दुरी कम गर्न सक्नेछ ।
