यसै जनवरी ट्रान्सफरमा स्पेनिस क्लब बार्सिलोनामा अनुबन्धित फरवार्ड पेइरे इमरिक–औबामेयाङले डेब्यु गोल गरेका छन् ।
आइतबार (आज) ला लिगाअन्तर्गत भ्यालेन्सियासँगको खेलमा दुई गोल गर्दै गाबोनका स्टार औबामेयाङले बार्सिलोनाका लागि डेब्यु गोल गरेका हुन् ।
उनले खेलको २३औँ र ३८ औँ मिनेटमा गोल गरेका थिए ।
उनले बार्सिलोनाका लागि चाैथो खेल खेलेका थिए ।
बार्सिलोनाले ३२ वर्षीय औबामेयाङलाई फ्रि-ट्रान्सफरमा अनुबन्ध गरेको हो ।
उनले बार्सिलोनासँग सन् २०२५ सम्मको सम्झाैता गरेका छन् ।
जनवरी २०१८ मा जर्मन क्लब बोरुसिया डर्टमुन्डबाट आर्सनल पुगेका उनले त्यहाँबाट एक सय ६३ खेलमा ९२ गोल गरेका थिए ।
त्यसअघि उनले डर्टमुन्डबाट दुई सय १३ खेलमा एक सय ४१ गोल गरेका थिए ।
