बार्सिलोनाले पछिल्लो पटक दुई खेलाडी अनुबन्धको तयारी थालेको छ ।
बार्सिलोनाका मुख्य प्रशिक्षक जाभी हर्नान्डेजले वुल्भ्सका विङ्गर एडमा ट्राओरे र चेल्सीका सिजर आज्पिकुएल्टालाई अनुबन्ध गर्ने तयारी थालेको हो ।
बार्सिलोनाले ट्राओरेलाई लोनमा अनुबन्धका लागि तयारी थालेको हो । यसअघि टोटेनहमले ट्राओरे अनुबन्धको प्रयास गरेको थियो ।
तर टोटेनहमको प्रस्ताव उल्भ्सले वुस्वीकार गरेको थियो ।
स्पेनिस विङ्गर ट्राओरेको सम्झौता १८ महिनापछि सकिँदै छ । २५ वर्षीय विङ्गर २०१८ मा वुल्भ्स आएका थिए ।
त्यसबाहेक टोलीलाई रक्षात्मक बनाउने योजनामा रहेका जाभीले ३२ वर्षीय आज्पिकुएल्टालाई भित्र्याउन चाहेका छन् ।
बार्सिलोनाले जारी सिजनको अन्त्यमा ‘फ्रि–ट्रान्सफर’मै ल्याउन चाहेको बताइएको छ ।
बार्सिलोनामा युवा तथा कम अनुभवी खेलाडीको बाहुल्य रहेका कारण त्यहाँ आज्पिकुएल्टाको उपस्थितिले महत्त्वपूर्ण भूमिका खेल्ने जाभीको अनुमान छ ।
