लिभरपुल एफए कप फुटबलको पाँचौँ चरणमा प्रवेश गरेको छ । आइतबार भएको चौथो खेलमा कार्डिफ सिटीलाई ३–१ गोलले हराउँदै लिभरपुल प्रि–क्वार्टरफाइनलमा प्रवेश गरेको हो ।
घरेलु मैदान एन्फिल्डमा लिभरपुललाई जिताउन डिएगो जोटा, ताकुमी मिनामिनो, हार्भे इलिवटले एक–एक गोल गरे । कार्डिफका रुबिन कोलविलले एक गोल फर्काए ।
पहिलो हाफ गोलरहित बराबरीमा सकिएको उक्त खेलको दोस्रो हाफमा लिभरपुलले तीन तथा कार्डिफले एक गोल गरेको थियो ।
