लिभरपुल एफए कप फुटबलको चौथो चरणमा प्रवेश गरेको छ । आइतबार राति भएको तेस्रो चरणको खेलमा श्रेसबरीमाथि ४–१ गोलको जित निकाल्दै लिभरपुल अघिल्लो चरणमा प्रवेश गरेको हो ।
एन्फिल्डमा लिभरपुलले श्रेसवरीको सुरुवाती अग्रता उल्टाउँदै जित दर्ता गरेको हो । खेलको २७औँ मिनेटमा डेनिएल उदोहले गोल गर्दै श्रेसवरीलाई अग्रता दिलाएका थिए ।
३४औँ मिनेटमा काइदे गोर्दानले गोल गरेपछि लिभरपुल खेलमा फर्कियो । ४४औँ मिनेटमा फाबिन्होले गोल गर्दै लिभरपुललाई पहिलो हाफभरि २–१ गोलको अग्रता दिलाए ।
७८औँ मिनेटमा रोबर्ट फिर्मिन्होले गोल गरेपछि लिभरपुल ३–१ गोलले अगाडि रह्यो । इन्ज्युरी समयमा फाबिन्होले व्यक्तिगत दोस्रो गोल गर्दै लिभरपुललाई सानदार जित दिलाए ।
