स्पेनिस ला लिगा अन्तर्गत बार्सिलोना र एट्लेटिको मड्रिडबीचको पहिलो हाफमा बार्सिलोनाले दुई गोलको अग्रता लिएको छ ।
एट्लेटिकोको अग्रता उल्ट्याउँदै बार्सिलोनाले पहिलो हाफमा ३–१ ले खेलमा कब्जा गरेको छ ।
खेलको आठौं मिनेटमा नै गोल गर्दै एट्लेटिकोले अग्रता लिएका थियो ।
लुइस स्वारेजको पासमा कारास्कोले गोल गर्दै एट्लेटिकोलाई १–० को अग्रता दिलाएका थिए ।
तर त्यसको दुई मिनेट पछि नै बार्सिलोनाले बराबरी गोल फर्काएको थियो । डानी आल्भेसको एसिस्टमा जोर्डी ओल्बाले गोल गर्दै खेलमा बराबरी गरेका थिए ।
खेलको तेस्रो गोल बार्सिलोनाको नाममा रह्यो । राइट फ्ल्याङ्कबाट आडामा ट्रावोरेले निकालिदिएको क्रसमा गाभी हेडमार्फत उत्कृष्ट गोल गर्दै बार्सिलनोलाई अग्रता दिलाए ।
खेलको ४३औं मिनेटमा गोल गर्दै बार्सिलोनाले आफ्नो अग्रता दुई गोलले बढायो ।
फेरान टोरेसको प्रहार पोस्टमा ठोकिएर फर्किएर आएपछिको रिबन्ड बलमा रोनाल्ड आराउखो गोल गर्न सफल भए ।
२१ खेल खेलेको एट्लेटिको ३६ अङ्कका साथ तालिकाको चौथो स्थानमा रहँदा समान खेलबाट ३५ अङ्क बटुलेको बार्सिलोना भने पाँचौ स्थानमा छ ।
आजको खेल जितेमा बार्सिलोना ला लिगाको चौथो स्थानमा उक्लिेनछ ।
