दक्षिण कोरिया लगातार १०औँ पटक फिफा विश्वकपमा छनोट भएको छ ।
यस्तै, दक्षिण कोरिया विश्वकप फुटबल २०२२ मा छनोट हुने दोस्रो एसियन राष्ट्र बनेको छ ।
यसअघि गत बिहीबार इरान विश्वकपमा छनोट हुँदै पहिलो एसियन राष्ट्र बनेको थियो ।
तेस्रो चरणको खेलमा इराकमाथि १–० गोलको जित निकाल्दै इरान छनोट भएसँगै इरान विश्वकपमा छनोट हुने पहिलो एसियाली देश भएको थियो ।
इरान विश्वकपमा छनोट भएको यो लगातार तेस्रो पटक हो ।
यसअघि उसले ब्राजिल र रुसमा भएको विश्वकपमा पनि खेलेको थियो । समग्रमा भने इरान विश्वकपमा छनोट भएको यो छैटौँ पटक हो ।
गए राति इरानले दक्षिण कोरिया सिरियालाई २–० गोलले हराउँदै दक्षिण कोरिया विश्वकपमा छनोट भएको हो ।
दक्षिण कोरियालाई जिताउन किम जिन–सु र क्वोन चाङ–हुनले एक–एक गोल गरे ।
पहिलो हाफ गोलरहित बराबरीमा सकिएको दोस्रो हाफमा दुई गोल गर्दै दक्षिण कोरियाले जित निकालेको हो ।
दक्षिण कोरिया समूह ‘ए’ मा २० अङ्कसाथ दोस्रो स्थानमा छ ।
इरान २२ अङ्कसहित शीर्ष स्थानमा छ ।
यसअघि नै विश्वकपमा पुगिसकेको इरानले युएईलाई १–० ले पराजित गरेको छ ।
तेस्रो स्थानको युएईसँग नौ अङ्कमात्र छ ।
टोलीले दुई खेल खेल्न बाँकीको अवस्थामा दक्षिण कोरियालाई भेट्न नसक्ने निश्चित भएको हो ।
